Gaudeamus Igitur
- Gaudeamus igitur, juvenes dum sumus;
gaudeamus igitur, juvenes dum sumus,
Post jucundam juventutem, post molestam senectutem
nos habebit humus, nos habebit humus!
- Ubi sunt qui ante nos in mundo fuere?
Ubi sunt qui ante nos in mundo fuere?
Vadite ad superos, transite ad inferos,
ubi jam fuere, ubi jam fuere.
- Vita nostra brevis est, brevi finietur,
vita nostra brevis est, brevi finietur,
venit mors velociter, rapit nos atrociter,
nemini parcetur, nemini parcetur.
- Vivat academia, vivant professores,
vivat academia, vivant professores,
vivat membrum quodlibet, vivant membra quaelibet,
semper sint in flore, semper sint in flore!
- Vivant omnes virgines, faciles, formosae,
vivant omnes virgines, faciles, formosae,
Vivant et mulieres, tenerae, amabiles,
bonae, laboriosae, bonae, laboriosae!
- Vivat et respublica et qui illam regit,
vivat et respublica et qui illam regit,
vivat nostra civitas, maecenatum caritas,
quae nos hic protegit, quae nos hic protegit!
- Pereat tristitia, pereant osores,
pereat tristitia, pereant osores,
pereat diabolus, quivis antiburschius,
atque irrisores, atque irrisores!
- Quis confluxus hodie, academicorum
quis confluxus hodie, academicorum
e longinquo convenerunt, protinusque successerunt
in commune forum, in commune forum.
- Vivat nostra societas, vivant studiosi,
vivat nostra societas, vivant studiosi,
crescat una veritas, floreat fraternitas,
patriae prosperitas, patriae prosperitas.
- Alma Mater floreat, quae nos educavit,
alma Mater floreat, quae nos educavit,
caros et commilitones, dissitas in regiones
sparsos, congregavit, sparsos, congregavit.
|